ԴԱՍԱԽՕՍՈՒԹԻՒՆ 2

Հայ Օգնութեան Միութեան Քուէյթի Մեկուսի Մասնաճիւղի  դաստիարակչական յանձնախումբը Շաբաթ, 28 Յունուար 2012-ին, կէսօրէ ետք ժամը 6-ին, եկեղեցւոյ նորակառոյց սրահին մէջ, կազմակերպեց դասախօսութիւն մը՝
նիւթ ունենալով Միութենական Կեանքի Օրէնքները:
Արդարեւ, ՀՕՄ-ի Քուէյթի Մեկուսի Մասնաճիւղի  երկրորդ դասախօսութիւնը ներկայացուց Քուէյթի Ազգային վարժարանի տնօրէն՝ ընկ. բժիշկ Մանուկ Մանուկեանը:

Դաստիարակչական յանձնախումբի ատենապետուհի՝ ընկհ. Նուարդ Մոմճեանը բարի
  գալուստ մաղթելէ ետք ներկաներուն, հակիրճ ձեւով ներկայացուց դասախօսին
  կենսագրականը, եւ ըսաւ.- «ընկ. Մանուկ Մանուկեան, որպէս բժիշկ ունի հարուստ
  գործունէութիւն եւ բազմաբեղուն վաստակ ազգային, միութենական, ուսումնական եւ
  կազմակերպչական բնագաւառներէն ներս»:
Օրուան դասախօսը ընդարձակ կերպով բացատրեց
Միութենական կեանքի ընթացքն ու օրէնքները, որմէ ետք, լուսաբանական հարցումներ
բարձրացան ՀՕՄ – ՔՄՄ-ի անդամուհիներու կողմէ: Ընկ. Մանուկ համբերութեամբ եւ
մանրամասնօրէն պատասխանեց բոլորի հարցերուն:

Դասախօսութեան աւարտին 
մասնաճիւղիս ատենապետուհի՝ ընկհ. Էլիզապէթ Թոգմաքճեանը շնորհակալութիւն յայտնեց դասախօսին, որ այս օգտաշատ դասախօսութեամբ լուսաւորեց
  անդամուհիները: